🌞 तराई के गरमी – पसीना, पकौड़ी आ परेसानी! 🌞

 

ई साल के गरमी त अइसन लागता, जइसे सूरज हमनी से पुराना दुश्मनी निकाल रहल बा ।

थर्मामीटर रोजे बोले – “रुको, अबहीं अउरी चढ़ी!“

पंखा २४ घंटा घुमे, बाकिर हवा देबे के बदले भट्ठी के लपट मारेला ।

कूलर त बिचारा पछताई रहल बा – “हम त पचास में नइखी चल पावत, मालिक!“

गांव में लोग नीम के छाँव खोजे, बाकिर छाँव खुद बोले –

“हमहूं पक गइल बानी, दुसर जगह देख !“

घड़ा से पानी निकालीं त उ गुनगुना ना, सिधा चाय बनावे लायक!

बच्चा लोग नहर में कूदी त पानी बोले –

“ए भाई, नाचल बंद कर, हम त उबल रहल बानी!“

रात होखते खटिया बिछेला,

मच्छर लोग आवेला –

डि.जे. के मूड में, कान में झीं–झीं के गीत गावेला !

पसीना अइसन बहे, जइसे बरखा के सीजन पहिले आ गइल होखे।

शहर के लोग एसी में बइठ के बोले –

“हाय गरमी!“

अरे भइया, एक दिन तराई आ जा –

जब बिजली जाये और पंखा बंद होखे,

त बुझा जाई ‘गरमी के असली चवनप्राश’ कइसन होला!

बाकिर हम तराई वाले?

हम त मट्ठा पी के, आम चूस के,

लू के थप्पड़ पर हँसी मार के बोले –

“आ रे गरमी, हम तहरो मजा लूटी!“